(Lesodi le Tamarisi ba bogetsi TV, ba lebeletsi dibapadi ge di raloka kgwele ya maoto.)

Tamarisi: Agaa Lesodi, sehlopha sa gago sea bethwa lehono.

Lesodi: (O swara hlogo ka matsogo a mabedi) Aowa banna, 2-0 e le gore phoso e bile mo kae ka gore leboto la Baroka FC le kwatlile.

Tamarisi: (Wa mo sega) Agee! Aowa lehono gona Bakgaga baga Mphahlele ba kopane le dipela.

Lesodi: Eupsa ka mokgo ba ralokang ka gona mo pele, gore mohlahli kua morago a sa lokise?

Tamarisi: Aretsi.

Lesodi: Aowa 2-0 gape ye yona ke bogoboga thwii, nna ke tima TV. (O nyaka go ema a thibelwa)

Tamarisi: E wena. (Wa sega) Lesa TV ye re bone ge bago papatla.

Lesodi: (Wa sega le yena) A gona nna kea ponya kea robala gee.

Tamarisi: Ekwa… O ponya ka gore sehlopha sa gago se a bethwa bjalo?

Lesodi: Ee kea ponya.

Tamarisi: Bjalo mpotse, gora gore sehlopha se sa Polokwane City ge seka fenya se sa Baroka se tloya makgaola kgang?

Lesodi: O re makgaola kgang. (O supa TV ka monwana) ke ona makgaolo kgang moo.

Tamarisi: Agaa, Bjalo go setsi metsotso ye mekae gore papadi e fihle mafelelong?

Lesodi: Go setsi metsotso ye lesome seswi ga bjale.

Tamarisi: (Wa ema) A gona kea bowa e re ko tsea dibjana ka ntle, gape sa le di ba ntle ke dihlatswa.

Ke eng oka ithutang ka lerato le la Lesodi le Tamarisi? Aa efela ba tshwarelane na?