Ndigwebeni ngokufanelekileyo
Hayi ngokwenkangeleko nangezityholo
Mandiyifele endiyaziyo
Ukungathathi ntweni kwam makungandifaki esihogweni
Ingcinga zenu ngam zindakhal’ ntshaba
Tyhini ! Ulwimi lunethamsanqa
Lona lityhutyha izizwe ngemizuzwana
Kwathini na lento wena ukholeleka msinya
Gqi ngam sendisisilwanyana sabumini
Ndimbi ebantwini ndingajongeki
Makandixele owaziyo ndandenzeni
Qamata khawuvele naku ndizakufela unobenana
Hlebeza kwezo ngqondo mhlawumbe ziyokuthamba
Kaloku u’andenzanga nto akasasebenzi
Inene xa ungakwazi ukuthetha uyakufela emanyaleni
Kodwa akusenani ndigwebeni.