Helang! Wena Marwala Kobo,
Sheba! Lona ma-apara kobo,
Bathong! Wena mojaha pere!
Kobo ya dipuo-puo,
Kobo ya matlotlo,
Wena majara ditutudu,
Lapeng la Hao ke mahlene-nhleke ke ha Morena,
Morwalelli hara mafito a lehodimo,
O bonahala kahara mehudi e re a paretseng,
O tsela bosiung ba bokantjana,
Helang! Wena Marwala Kobo
Marwala maime ditsietsi ke boroko,
Helang! Wena setlhare sa dipelo,
Dipelo ke malana ntho e qeta ho hangwa,
Helang! Wena Marwala Kobo
Ke dipuo-puo,
Ke leleme le rotha sa marothodi a pula,
Pula ke bojabotshea,
Ke ditaba-taba dihana hofela,
Pososelo ke mahlomola a thabo,
Dikeledi ketsa kgauleho ya bottle!
Helang! Wena Marwala kobo!
Ha o molemo hohloka mohatla nkabe keo tsoka,
Ke bomadimabe hoba labo ntate nkabe ke didietsa,
Jooh! Ka timela ka hloka matla,
Mangwele a hloka botshepehi,
A letsa mangene-ngene tlasa mafika,
Ha dumaela,
Helang! Wena Marwala Kobo
Ya Hao keya sebata hara dibata,
Ya poho e puruma mangwele a otle fatshe,
Hloho e kekelle houtlwa ka boima hodimo Yona,
Kobo e masobasoba ditjhobo-tjhobo tlalo la tau e tona,
Tlalo la hose senyehe,
Helang! Wena Marwala Kobo
Ke mofuthu lapeng,
O Mme ntate ho bohle,
Ba senang ya hao Kobo,
Ba senang wena,
Ho lwebehlane,
Ntja e ja ntja-nyana e ihlakola ka katse.
Helang! Wena Marwala Kobo