Kwakukuhle kudala usafika
Wawusho ngezwi elipholile uthi “makhelwane”
Manje usungaphika uze ubenephika
Waze wakhukhumala bo!!
Sekuyazicacela ukuthi asiselutho emehlweni akho
Sesiyinto engelutho manje
Siyinto engelutho engasoze Yaba utho
Wasibukela phansi okwamakhowa
Wandizela phezulu kuhle kokhozi
Wasijikela njengotshwala esiswini
Wajika sangakwazi sikwazi
Saze saphikisana ngezenzo zakho
Bathi abanye akufani lokhu nawe
Kanti ubani Lo , kusanguwe ?
Noma ubuqhoke isikhumba semvu Kanti uyimpisi
Waze wamkhulu
Siyakhuleka kuwe
Wamkhulu wadlula unkulunkulu
Waze wakhukhumala