Uze ungikhonzele nami

Hlezi ukukhonza kwakho

Koletha injabulo kweyami impilo

Uze ukhonze lapho okhona hleze

Nami uzongikhumbula embusweni weningi

Baba uze wazi kunzima lana engikhona

Impilo ayisafani nayi zolo

Ubukhona bakho buyakhumbuleka.

Injabulo owawuyibona kimi

Seyaphenduka izinyembezi zemihla

Umzimba owangishiya nawo sewaphenduka

Uthi lokuvungula kunzima baba

Wazi konke owakusebenzela kanzima

Kwashabalala konke kuhle kwephepha emanzini

Nomama owangishiya naye wathatha konke okwakhe

Wahamba ngisele ngingedwana indlu yakho seyangenwa

Imvula ngisho ngilele, omakhelwane nezihlobo sebaphenduka izitha zami

Kwesinye isikhathi ngiye ngifise ukuthatha umakhalekhukhwini

Ngifonele emazulwili ngizwe iphimbo lakho

Hleze lingiphilise ngithole amandla.

Uthi bewazi nje baba sengalala ngilambile

Isisu sikhaliswe okomdlwane ulahliwe,

Izinyawo zami sezaphenduka itshe nokuhlabaya akusazweli

Izithombe zethu sezahlala zikuplasinti we zincwandi zami

Uze ukhonze baba hlezi nami uNkulunkulu uzongikhumbula

Iminyaka iyahamba kodwa Kumnyama endlini

Yempumelelo izethembiso engakuthembisa Zona

Zikude ukufezeka, baba kanti kungani nami

Ngabanga nabo abafowethu noma odadewethu

Hleze Inhlupheko ibizoba ncono.

Baba ngiyethemba lencwandi iyokwenza

Ungikhumbule nami. Kuthi lapho bekunika izibusiso

Uziqathaze emhlabeni. Sengihambile ke baba

Ngisayombeka impilo nami ngaphandle

Hleze sengombala ngempumelelo yami enhle

Hlezi izinyembezi zami zingiphathele injabulo

Yaphakade… Lala baba lala Masisa