Yini!, yini! Kanti thina
Bantu besifazane intoni le ingaka
amadoda sawatyela yona
yintoni le kucaba sanenza yona?
Yhini satshabalala okwembovane
hayibo sekwanele, sihlukumezeke kwanela ngoku. Hayi inene salithw’lityala
xasibulawa nini sinithembile hayi kunzima
Wena qamata uthuleleni saphela uluhlobo
ngabantu abaphila ubunyoka.
singamaxhoba okuxhaphazwa ngamadoda kwenzenjani? Yingoba thina
singenawo amandla okuzilwela
mihla namalanga asikucholi
ukuphumla ngoba kaloku sisoloko
sisoyika lamadoda aphila ubunyoka.
Akusekho nenye ethembekileyo
kuba kaloku umntu awumazi ucingani
ngawe, awulazi ingaphakathi lakhe. Yhini mdali
suthula sisifa kanje.
Inene kulo umhlaba akusekho
konwaba ziyaphela imbokodo
zingenatyala. Lo umhlaba uyahlaba umagade ahlabayo.
Mzontsudu phakama, phakama Mzontsudu
imbi into eyenziwa kumanina
sifa okwembovane amadoda anamhlanje
aphenduke ubunyoka.
Ntliziyo yam ibuhlungu, indlebe zam zonele
kukuva ngokusweleka kwenina
elibulelwe yindoda kwanele.
Xakunje asazi sithembe bani
ibuhlungu into esehlelayo ngenxa singenamandla
wozilwela.
Sifelani Singenatyala, senzeni singamanina?