Ngikhulumile kusenesikhathi
Kodwa akangizwanga.
Indlela engangifisa ayicabe wayibalekela
Namhla isimile isikhotha ayisahambeki.
Baphi abangani bakhe ayebalalela kunam?
Ngaba yinhlekisa yesahluleki emphakathi
Bonke bethi ngihlulwa ukukhulisa ingane.
Lizwi lini ayolilalela njengoba engimemeza
Ahluleka ukungilalela ngisadla anhlavana.
Ngiyikeleni ngiphumule
Ngiyekeleni ngiphumule.
Nalezi ngane ezimkhalisayo
Ukube wangilalela ngaba zikleza kogwansile.
Ngikhalela imbuzi zam ezadayiselwa ubala
Engangimakhela ikusasa walalela abangani
Wathengisa ngekusasa lakhe.
Ayefunda nabo nabalalela abazali babo
Namhla bakhomba ngophakathi, yibona esebondla abazali babo njengoba yena ekhalela mina sengalala kobandayo.
Ukukhala kwakhe angeze kumsize
Ngoba nokwami ukukhala akungisiza
Waqhubeka wenza izinto ezaziphambana nezifiso zam ngaye.
Ngiyekeleni ngiphumule.