Ukukubonga kwami akwanelanga,
Kepha ngithanda ukukubonga
Ngokuba uMama oqotho.
Ngibonga ukuthi wangigcina
Mhla uthola ukuthi uzithwele
Uthwele mina abanye oMama
Bezikhipha.
Ngithanda ukubonga ukuthi
Uhlale nami wanginakekela
Ngisho sadlula ebunzimeni.
Ngibonga ukuthi ubenethemba.
Ngibonga ukuthi ubenamandla
Wangikhulisa.
Ngibonga ukuthi ungivikelile
Ebunzimeni.
Ngibonga ukuthi ungivikelile
Ezimpisini zalapha eMhlabeni.
Ngiyazi ngike ngaba uhlupho
Ngakuhlupha kodwa awukaze
Ulahle ithemba kimina.
Ngithanda ukubonga nokuthi
Ungifundise inhlonipho nokuthanda.
Ngiyethemba nami ezami
Izingane ngiyozifundisa njengoba
Wangifundisa.
Ngiyafisa futhi ukuba ulhile ukuze
Uzobona abazukulu bakho.
Nginethemba bayojabula
Ukwazana nesimanga
Somuntu ofana nawe.
Ngalokho ngithi kuwena
Ndlovukazi yami kuphuma
KwiNkosazana yakho
NGIYABONGA!