Ndzi n’wa nsati!

Ndzi ganakani leyi wake yi pfuka yi ala ku hluriwa..

Ndzi manana la lwaka vusiku ni nhlikani ku veka swakudya ehenhla ka tafula.

Manana wa vukheta ni rixalandzi..

Wansati wa ku hisekela vumundzuku bya mavondla ya kwe,

Ndzi makomba ndlela eka swiciwana swa nga..

Ndzi alela swandla swa nga ku mila byanyi

A ndzi yena lowo tshama ehansi a khondla swandla a ti puta vusiwana..

Kambe loko a ri mina ndzi khoma nyarhi hi timhondzo..

Ndzi ku vusiku sala endlwini ndzi ya fukuza.

Ndzi wansati exikarhi ka vansati vama ntimu..

Ndzi nghanakani leyi tivaka hi vambirhi vanharhu exikarhi ka tindlovhukazi leto duma.

Vana va nga va tiva ku xaniseka ka mina,

Loko ndzi ku vurhongo sala endlwini ndzi ya valanga golodi hi masiku.

Ndzi ba piki bya vatirhi va mayini,

Ndzi dzuka nyuku bya ayisi leyi n’okaka..

Ndzi khoma tlharhi ra vukarhi hilaha ri tlhavaka ha kona…

Ndzi endlela swiciwana swanga leswaku swinga etleli swi hlaya tinyeleti..

Ndzi nwansati wa makoya