Ke gopola letšatši leo ke bego ke ile madibeng ka lona

Ke latile morwedi

Kgarebe gare ga masogana

Yena wa go ya thuding

Ke ra yona kgadi ya matepe

Ntswaki masoganeng

O botse kudu morwedi

O phadima bošego le mosegare

O phadima leswiswing le ngweding

Botse bja gago bo bjalo ka phikoko

Ke bo bona le ge ke robetše

Tsebjana tša go ema

Mahlo a namane

Botse bja gago bo a nthabiša

Gola morwedi, o tsene sekolo o rutege

Hlompho go wena ke e bona o sa le yo monnyane

Gola o tle o nhlokomele

Gola o tle o hlokomele dikgaetšedi tša gago

Gola bomogadibo’ago e be bagwera ba gago

O se ba hlabe ka dinaka

Gola o tle o be kgadi ya nnete

Gola ke kgone gore ge ke tšofetše ke ye thuding

Nthabiše ka mehla, go swana le ge o belegwa

Setshego mo go nna a se be gona go fihla ke eya moletemohlaelathupa

ke a go rata morwedi

Ebile ke ikgantšha ka wena.