Morutabana nthute ke tshwane le wena
Nthute thuto e tle e re ka lengwe la malatsi lenna ke pagame thaba ke ipetse sefuba ke re “lenna ke morutegi”
Thute thuto tsa botshelo e tle e re fa botshelo bo gogile kausi e be ke itsi go ka rarabolla mararane a botshelo ntle le go rothisa keledi
O ko o nthute dipalo e tle e re lenna ka lengwe la malatsi ketle ke itsi go ipala ya kgaka
Ke ipale ka bokgogomoso e re fa e setse e phitlhile ka diphuka
Lenna ke goeletse ke re “kgaka kgolo ga kena mebala,mebala e dikgakaneng”
Nthute thuto tsa bo rremogolo
Lenna ketle ke itsi kwa ketswang le ko keyang
Tota tota morutabana a ko o nthute lerato le tlotlo
Lenna ke tle kenne moeteledi-pele wa tsatsi la kamoso