Dipuku o phutholotše
O fetlekile, o fahlogile
O badile, o rutegile rutege
Fahlolla bao ba sa rutegago
Eletša bao ba sa tsebego
Se ba kodutle ka mantšu
Wa akalala go etša lenong
Wa kuka magetla
Thuša bao ba hlokago mešomo
Fahloša bao ba fahlegilego
Ruta bao ba sa tsebego
Aga wa geno motsana
Hlola mešomo ka mabjoko a gago
Batho ba bone bohlokwa bja thuto ka wena
O se be serutegi ka molomo fela
O se be serutegi ka maphephe fela
E ba mofahloši wa go fa lesedi