Kuyoshabalala ubumnyama
Amaphupho afezeke
Kuyoba ngathi uyaphupha
Uyovuka nsukuzonke unehubo elisha
Kuyeza ukukhanya
Liyeza ithemba elisha
Elizokukhanyisa ngaphakathi njengesibani
Lizofaka uncumo ebusweni bakho
Umamatheke nawe ujabule
Lizoba njengokhanyikhanyi okhanyisa kwasamdlalo
Kuyeza ukukhanya
Kuzokhanyisa impilo yakho
Bulethe ithemba elisha
Bususe lobumnyama obugubhazele impilo yakho
Intokomalo nothando kuyeza kuwe
Uzoba nesiqalo nesiphetho esisha
Amathuba amasha
Ikusasa elihle elinamathuba amasha
Uzophumelela uzoba umuntu ebantwini
Uzokhomba ngomunwe kwenzeke
Liyeza ikusasa elihle
Kuyeza ukukhanya
Kuvumele kukhulume nawe
Kwamukele enhlizweni yakho nawe
Kukufudumeze kuze kukusuthise empefumulweni