Kufa akuna mahloni, futhi akuna nhlitiyo. Kuthatha injabulo yakho ikwente tinyembeti takho. Kwaze kwandzima emhlabela ingaba soneni? Bantfwana basala batinzanzane, bomake basala babafelokati ngenca yokufa.

Umhlaba unonile, tibungu tinonile, ngisho imbala bomabhizinisi bemamoshali tikhwama tabo tinonile ngebantfu labo sibathandzako. Kufa kunjani naa?

Lapho nilele khona niyasibona naa? Niyativa tikhalo tethu?

Nithini nisiyekela sihlupheka kangaka? Nithini ngathi umasikhala busuku nemini sinikhumbula malanga onke?

Ingaba ninesiciniseko kuthi silala sidlile? Ninesiciniseko lesingakanani kuthi sicokile sifutfumele lasikhona khona?

Sengisho Yona mihlangano yabatali eskolweni, angisakhulumi ngesikhathi sakhisimusi. Kufa akuna bubele.

Umtfwana ukhula angati make, angati babe. Labanye bakhula bangati imvelaphi yakho ngenca yokufa. Sabuthwala bunzima sisese bancane sabubeka emahlombe ethu.