O sehlogo wena Khorona 

Wa tšwelela re sa itebetše nagana ka bokamoso bja rena

Wa senya tšohle bjalo ka pula ya matlakadibe

Wa senya tśe di botse ka moka tšeo batho ba bego ba di gopotše

Wa gakantšha masea, bakgekolo, bakgalabje, makgarebe le masogana

Wa tliša tlala ka malapeng

Wa tliša tlala ya mešomo lefaseng

Wa re thibela go bonana le metswalle ya rena

Lehono malapa a thubegile

Banna le basadi ga ba sa lebelelana gabotse ka ge go na le tlala ka gae

O thubile malapa a batho go śetśe marope

Lerato leo le bego le tuka ka malapeng le timile

Ka malapeng ke mahloko

Bontši bo lobile meloko

Batho bao ba bego ba sa lebeletše tśe di botse go tšwa go bona.

O sehlogo! O tlogetše bahlologadi le ditšhiwanyana ka malapeng

Bontši re be re sa tshepe gore o kotse

Bjalo re bone lebelo leo o tšeago batho ka lona,

Gore nnete ga se wa loka

Batho ba ile ba gapeletšwa go dula ka dintlong

Ka ge ba tšhaba wena Khorona

Naa o boela neng mo o tšwago? Gona o tšwa kae?

Re kwele bohloko, melao yeo mopresidente wa naga a e beilego ka lebaka la gago re a e latela ebile re sa e latela

Re kwele bohloko, ka malapeng e be setshego

Ga go rene moya wa lerato le wa lethabo ka malapeng

Batho bohle ba hwetše mešomo ya bona morago

Re dire eng gore o re tlogele? melao re e latetše, fela o sa tšea ba malapa a rena

A gona taba re tla rapela ka maleme a go fapafapana ra lwela gore o boele mo o tšwago gore meloko ya rena e bolokege,

Maphelo a rena a boele moo a bego a le gona

Re tla go fenya ka le lengwe la matšatši