Inxeba le ntliziyo alipholi
Intliziyo eyaphukileyo ayipholi
Inene inxeba le ntliziyo linobuzaza
Alipholi kuba kaloku lide ithuba intlitheka, yomelele
Lide ithuba iqhekeka, inyamezele
Yaphulwe,yophuka,yaqhekeka
Iwile,yangqubeka,yabetheka
Iphethwe gadalala,yanezivubeko namanxeba
Iintlungu neentlupheko zobomi izingcamle
Inkxwaleko zomhlaba izivile
Inxeba le ntliziyo akulula liphile
Kuba kaloku lide ithuba intlitheka ide yalihlwili
Inxeba le ntliziyo alipholi
Intliziyo eyaphukileyo ayixoli