Wehlisa tinyembeti busuku nemini,
Khumbula kutsi bumnyama busicalo sekukhanya,
Khumbula kutsi kukhanya kuvel’ ebumnyameni,
Bani lichawe libambe lishisa lakho,
Ungaphosi thawula phikelela,
Imphil’ ifuna labomelele,
Netakho tivunguvungu titawengca!
Tibambe ticin’ uhlal’ etsembeni,
Phindz’ uvuk’ utitsatse,
Mihuzuk’ ingakucedz’ emandla,
Tikhatsi letimatima titawengca,
Akulahlwa mbeleko ngakufelwa,
Inal’ ayichumi ngekutsandza kwebalimi.