Kokwani Nyanisi Mphephu Chauke,
Kata sirha Mackson,
Mana wa majaha Mkhacani, Hasani na Gezani.. na ntombhi Mjaji
Wena wa khume nkomba wa vatukulu,
Uhi xupukerile,
kambe uta tshama etimbilwini ta hina hilaha kunga heriku,
Hi tsundzuka swo hlaya hi wena!

Hi tsundzuka tolo,
Haha hefumula swinwe,
Hi vungunyana,
Hidya swinwe,
Hi hlayisana bya kokwana ni tukulu,
Hikwaswo aswi sasekile!

Kaya raku ariri kaya reru ravumbirhi,
Ahi cicana ku longa mabutsa hita tshamisana na wena,
Loko kungari loyi,
Unwana a tata ataku tiyisa,
Loko kungari yena akuri unwana…
Mabutsa kutshama malo yima akuri tshamelo maxelo ku komba rirhandzu,
Rirhandzu ro amukela kuhi velekela vambava,.
Loko akungari wena ingi hinga vonanga misava leyi…

Uhi dyondzisile ku tivana,
Hingari vana va munhu unwe kambe ahi rhandzana bya vo makwavo,
Uhi kombisile vitomi,
Swaku maxaka iku vumbana…
Impela loko kungari ni kukutwanana akuna vuxaka,
Uhi pfurile mahlo hahari madembhyana,
Uhi dyindzisile kutivana hahari matondo..

Hi tsundzuka tolo ra masiku,
Loko hi ngungumela hita kombela timbuva
Vantswari vangaswi tivi,
Awufika uhi hlamula ku olova, uku: “utafamba kahle nwana nananga, eka riendzo dyondzo, kambe loko kuri timbuva nihava ndzina swikweleti”…
Kambe loko hi tlhelela ekaya awuta hi sala endzhaku uta fika.
Ufika uku mbaa ehansi…
U chucha chungu u humesa dzana ra tirhandi emahlweni ka vatswari,
U swiandla kahle uku: “ndzi tisa mali ya timbuva leyinga kombeliwa hilowa tukuku…”
Kwalaho hi khomiwa hitingana hiku goo!,
Uhi dyondzise ku va vana va tiyiso,
Vana vo pfumala mixalaphunga,

Hi tsundzuka tolo ra masiku
Loko hi khitikana hiku vhakachela,
Dyangu waku awuri hlanganani,
Ahi sukela vatswari hitaku fuu!,
U hi swekela, uhi hlayisa…
Uhi hlayela switori na mitsheketo hi nkarhi wa maxuxu,
Uhi byela ta khale ta tlhavula,
Hi vungunyana swi tsakisa..

Hi tsundzuka tolo,
Loko uhi chavisa uhi tahembisa ku mbyela va tata wa hina loko hi phungela,
Loko hitshuka hiku hleketile hikuma ungarikona u khiyile gede,
Ahi gonya gede hi nghena ajarateni u tlanga..
Loko u vuya awufika uhi tshukiseka mahlo,
U hi komba swaku hi endlile xihoxo,
Loko uhi karihela ahititwa nandzu,
Hi twisisa swaku hi onhile kutani hiti sola.

Hi tsundzuka tolo,
Loko u hi dyondzisa ku rhandza xikwembe,
Uhi boha maduku ufamba na hina kerekeni ka zcc,
Ina hikule hiri vana va xichavo vo chava xikwembu.
Vana vo lulama no hlonipha.

Hi tsundzuka tolo ra masiku,
Loko uhi tshamisa ehansi uti cumbutela ta vutomi,
Uhi byela leswaku hi hlayisana..
Unyela cliff leswaku anga cukumeti vamakwavo,
Impela u yime hi mariti maku.

Hi tsundzuka tolo,
Loko uta twa swaku hina vana,
Utala hi tsako wova ni vatukilu swindhuva,
Uku milenge mimbirhi uta vuyisa vatukulu swindhuva,
Ufika u tlhandlekela hi xixibi xo hlatswela nwana..

Hi tsundzuka tolo,
Tani hi kokwani awunga tsandzeki kuva kona eka mikhuvo ya hina,
Awu vuhesa swi swekela vuyeni tihove,
Uta uta amukela vuyeni,
U khakha noba kulungwani loko swifanerile..
Ucina ku kombisa ku tsaka.

Hi tsundzuka tolo,
Hikuva hi ehleketeka matimu
Hi tsundzuka rirhandzu raku lero hlamarisa,
Hikwaswo leswi awuhi endlela switava switsundzuxo,
U hi siye exivundzeni,
Hahari hava muvungunyi,
Hipfula wo chachula nohi bela mikulungwani..
Ku hlaya hikwaswi iku xurha,
Hikuva matimu ma hina ma wena ma hundza hlayo..

Hi tsundzuka minkarhi leyo tsakisa hikwayo hiri swinwe,
Moya waku awuyi emahlweni wu etlela hiku rhula,
Vawena vatukuku lavo rhandzana