Ngwana o belega ngwana
Mma ke lenaba la ngwana
Ga go na tshepano ga ešita le hlomphano
Ga go sa na lerato ga ešita le kwelobohloko
Go senyegile nka re go bodile
Go diregang?
A go sa na kgogo ya go selela matswiana
Bana ba ikgapa ba ikgoroša mašego
Ba lala le makgeswa a dipalamonwana
Ba tsena ka potleng tša bahlolo
Ba holofela go fepa mpana tša bona
Go diregang mo lefaseng?
Ruri motswala a ka eka kgaetšedi?
A mo abela baditšhaba ba abagana ka yena
A hloka letswalo le ge a mo llela sešuana
A no tloga a mo hlapa matsogo ge ba mo dira tša phaku
Pipamolomo a fiwa gore a homole
Go diregang?