Nna ke mmina Tau,

Ke nna ngwanabo Segatane le Ketuketu,

Ga gešo re boa kua Diskop Manage kua naga Letlopo,

Nna re ipshina ka setšo ngwana’a mokgalabje,

Le betši tša baTau di a tseba gore,

Ditshwaro tša mosadi ke ntepa le lebole, mothuhlwane le tuku,

Ga e le lethumaša lona le lekanwe ke thupantlo ya basadi,

Ka gore mohlang rere wele -welee! 

A re nyake bommaletswai ba ehlwa ba ikgomere ebile ba tšhogile,

Nna re letša hlwahlwadi gore lerole le tsoge,

Re tia mokgolokwane gore yo a hlabegago a phule sekaku,

Ke re mo re fetilego re ba direla semaka batho gore ba šale ba anegelana ka rena ba sa fetše.