Hoyina!
Hoyina!
Ndiboleken’ iindlebe
nants’intomb’ yomthonyam’ entungo
Andidelelanga MaQhawekazi ezwelethu
ntonje ndizama ukubonisa imincili nemivuyo ngama Qhawekazi ethu.
Ngubani na owayesazi
ukuba sakuze sibe namalungelo singamanina?
Ingubani na owayesazi
ukuba sakuze sibe ngabaphathi bendawo?
Ndiyabuza kuni mzi ka Ntu!
Xa kunamhla sizingomba izifuba
ngobunganga nobu ngamshela
Ngenxa yama Qhawekazi nee Ndlovukazi
ezasivulel’ indlela.
Kuloko ndisithi ndiboleken’ iindlebe
ndityandyathe ndityibel’ lama Qhawekazi.
Asinqwanqwadil’ isizwe
Asibonis’ ukuxabiseka kwamanina
Ndithetha ngoobani?
Xa ndingathethi ngabahlahli bendlela
Iyhewa into zooMam’ Mandela OoMam’ Stella nditsho naye uMam’ Albertina Sisulu
Nabo nabanye endingaba bizanga
Abo babangamadela kufa
Sithi halala kuni maqobokazana!
Noba sele nalandulela elimiweyo
kodwa imisebenzi yenu iyohlal’ ihlel’
ezingqondweni zamanina asakhasayo
Sithetha singqiyaza
kuba kaloku nasihlahlel’ indlela
Ukuze sikwaz’ ukuma namhlanje
singavumi ukucikelwa phantsi
Ndingathetha liphume de liphinde litshon’ ilanga ndinityibela
Zingade neendlebe zingeva
ngoba kuninzi okuthethekayo ngani.
Maninandini nohlala ningamachiza
okwelaph’ isizwe sabantsundu
Nohlala ningaba nqwanqwadi
kwizi zukulwana ngezi zukulwana zakwa Ntu
Nde gram!