“Hayi!” Ndadubuleka.
“Hayi!” Wandilinganisa uNomkhita.
Sobabini siyawazi amalungelo ethu. Ngobunye ubusuke sabukela idotyhumentari ku-YouTube ngoJacob Zuma netyala lakhe elidumileyo lokudlwengula. U-Nomkhitha unyikinya intloko yakhe kweli polisa.
“Le ayo ndlela iyiyo. Ndakuxela kuGunyaziwe weZikhalazo ukuba uthetha njalo.”
“Ewe.” Ndamxhasa. Ndiya bhekabheka. “Sifuna ibhinqa.” Ndiya khwaza kwi-ofisi yokumangala, “Sifuna ipolisa elibhinqileyo torho! Le ndoda ibuza imibuzo engeyiyo.”
Ipolisa liyathukisa limbombozela. Liyakhwaza kwipaseji emnyama, “Inspector Khumalo! … Priscilla!”
Ipolisa elibhinqileyo elifutshane uthi gqi eyimbumbulu ephuma e-ofisini. Uneenwele ezimnyama ezibengezelayo ufake ne-eye liner eninzi.
U-Nomkhita umxelela konke engxamile, “ Kukho inkwenkwe emhlophe e-Church Street, ebeza kundidlwengula. Ewe, bendinobubele, ewe ndingene endlwini yakhe, kowa ezo nto azibali.”
“Kulula,” latsho ipolisa elibhinqileyo. “Uphi?” Umbuzo olungileyo ekugqibeleni.
Sonke sitsibela kwiveni yamapolisa, thina mabhinqa amathathu.
E-Church Street ucango olublowu luvulwe nka, i-wardrobe ayinanto. Iteki ye-Adidas ithe geqe kumnyango oya kwigumbi lokuhlambela. Ishithi lisehafini yebhedi, ezinye iimpahla zebhedi azikho. Ikani ye-Axe deodorant, ifleyva yetshokolethi, iqengqeleke ekoneni. Sijonga kwiimpawu zokumka kwakhe ngenxa yokupenika.
Ipolisa elibhinqileyo, u-Inspector Khumalo ligama lakhe, uthatha amanqaku ngesixhobo sam esiyintonga yekhethini esitratweni, ifestile eyophukileyo.
Ufikelela ngaphaya. Ekungamemi kwaso isidlwengu sishiye ihempe kaNomkhita ekrazukileyo ngaphantsi kwebhedi njengobungqina.
***
Khawusichazele: Ipolisa eliyindoda ‘belisola ixhoba’ ngelinge lokudlwengulwa. Zeziphi ezinye iimeko ezibangela amabhinqa asolelwe ukudlwengulwa?