“Hi ya eku xaveni eswitolo! Hi ya eku xaveni eswitolo!” Afrika a tlulatlula a ya ehenhla ni le hansi emahlweni ka Dintle. Mhani wa yena, Mme wa Afrika, a n’wayitela, kutani Dintle a phokotela mavoko.

“Ina,” ku vula Mme wa Afrika, “ambala tintanghu ta wena. Hi fanela ku hatlisa. Ha ha fanela ku famba hi ya exitichini xa bazi.”

Exitichini xa bazi, a ku ri na vanhu votala lava a va yimele bazi. Loko hinkwavo va nghena endzeni ka bazi, un’wana na un’wana a manyiwa. Mme wa Afrika a xinge Dintle. Kutani wansati un’wana a tshama laha tlhelo ka yena. Kasi Afrika yena a tshame hala tlhelo lerin’wana ra mhani wa yena, a a manyeke kusuhi ni fesitere. Kambe hinkwaswo leswi a swi nga n’wi karhati hikuva a swi vula leswaku u ta kota ku vona ehandle hi fesitere.

Ekuheteleleni muchayeri a huwelela a ku, “Xitichi xo hetelela!”

“Tana Afrika, hatlisa. Laha hi kona laha hi xikaka kona,” ku vula mhani wa yena.

Endzhaku ka loko va xikile ebazini, Mme wa Afrika a bebula Dintle enhlaneni wa yena. “Famba hilaha kushi ka mina,” a byela Afrika. “Leyi i ndhawu ya nkitsinkitsi.”

A ku ri ni nkitsinkitsi. Vanhu a va rhwele minkwama van’wana va susumeta titiroli ti tele timpahla ta leswi va nga swi xava. Nakambe a ku ri na wansati loyi a dzenengele leswi a nga swi xava enhlokweni.