“Loko swi ri tano, ndzi ku nyika lowu wun’wana,” ku vula Kokwani a ri karhi a voyamela Bella. Mwah! ku ri ntswotswo lowukulu wo nona emarhameni ya Bella. Bella u rivele leswaku i mipfumawulo yi nga ni a nga yi hlaya, kambe lowu hi wona wa kahle swinene!
“I mpfumawulo lowu ndzi wu rhandzaka!” a vula a ri karhi a n’wayitela.
Hi nkarhi wo etlela, Manana u vutisile Bella, “Xana wa swi tiva ku mpfumawulo lowu mina ndzi wu rhandzaka hi wihi?”
“Hi wihi?” ku vutisa Bella.
“Hi lowu!” ku vula mhani Manana, a ri karhi a dikilida khwiri ra Bella.
Ha, ha, hee, hee, ha, ha, hee, hee! ku hleka Bella.
Ina! Mpfumawulo wo hleka i mpfumawulo wa kahle swinene emisaveni hinkwayo. Wena u swi vona njhani?