Vhuhadzi shangoni ḽa kule
Hu sa meli miri miḽiwa
Hu melaho zwi kalakataho na zwi homelaho
Naho u tshi nga wo dzewa nga valale
Phwambali ya makhulu sokou konḓelela

Zwi tshi vhavha u vhudze gona
Vhunga khonani hu vho mutanda nga u we
U u funza zwine a si ite
Ndi mukushavhayaho

A hu na damu ḽi sina ngweṋa
Na kha tshau tshiṱanga khaedu dzi ḓo rothela
Zwiṅuṅuno zwa nga zwa ṋotshi phakhoni
Vhuhadzi ndi ṋama ya thole ya fhufhuma ri a fhunzhela
Hone a no tamba a tshi guga mabuto ndi goṅoṅo

Ita u dzwinga dzi khwaṱhe
Mubva ha na nzie, nzie dzi khoroni
Vhuhadzi ndi u tou ḓivhaḓela yau thanda
Hone wa vhona mbulu we mbumbumbu
Matshelo vha vho ḓo ḓirwa khana nga mishumo ya ṋala dzau.