Nqwel’ egoqozayo
Sithokothoko sobumnyama
Ngcinga zam ndophule ndiyatsha
Hlang’ oluzel’ inkohlakalo
Mgqub’ ogquthez’ agqugqise.
Uluhlobo luni lohlanga?
Uhlal’ uligcwabevu
Ayonkohlakal’ iyaphuphuma
Ayilolaka sisihogo
Ayonzondo ntonje ndijijwa bubunzima
Ndingubani?
Ndilahlekelwe ndim
Ndisesithokothokweni sobumnyama
Umphefuml’ uyabhadula kwesikabhadakazi
Umoy’ uyagoqoza
Ulahlekelwe luthando
Ulahlekelwe kuzazi
Ayingomsindo lugcwabevu
Umphefumlo wam awuphumlanga
Umoya wam awuxolanga
Uxinzelelo lwengqondo
lupheth’ ikrele
Intliziy’ iyakrazuka
Iingcinga zindeyelisel’ esigodini
Ndingubani?
Ndilahlekelwe ndim.
Ndisisibhadubhad’ andizazi.