Kum uthando ibiyi ntsomi
Kum uthando ibili bali
Kum uthando ibiyinto
Engenamsebenzi
Kodwa namhlanje
Ndisukile kwezongcinga
Namhlanje ndifumene
Uthando
Oh… Madoda ndanela nje
Ukuva ilizwi lakhe suka
Kume yonk’into uncumo
Lwakhe oluhle lundenza
Ndibendongondongo
Ukanti isinxonxo sakhe sindenza
Ndibelikhandlela elangeni
Ituma lakhe linditheza amandla
Ukanti indlela andibamba ngayo
Shuu indigqiba amazwi
Kudala ndikhala ndifuna uthando
Kudala ndipenapena ndifuna uthando
Namhlanje ndilufumene ubambo lwam
Uthando lwakhe ndilubona
Kuy’emehlweni indlel’andithanda ngayo
Ibhalwe kuye ebusweni indlel’aziva
Ngayo ngam yaziwa nangu thathatha
Indlela endimthanga ngayo ayithetheki
Uthando lwakhe lundikhanyisela
Imini nobusuku bayo
Uthando lwakhe lundenza ndincume
Ndedwa phambi kwakhe ndiyahluleka
Kuzimbamba ndisuke ndithambe
ndibeyozo yozo ndibengumtya
Xa ndinaye kuthi tyho entliziyweni
Xa ndinaye yonk’into iyema
Xa ndinaye konke kulungile
Ndiyamthanda uyandithanda
Siyathandana sibanye!
Uthando luyaphila
Uthando ngumanqoba!
Ndingu Usanda Batula!