Mna ndisivile isikhalo
Mna ndikuvil’ukulila
Kwemveku mna ndisibonil’isono
Akuncedang’anto ukufa kufikile
Uphi na unina wosana?
Emgqomeni lidunduluzile
Uphumile won’umphefumlo
Yabuhlung’intliziyo yam
Ndakubon’ubuso obungenasono
Zaphalal’ezam iinyembezi

Ndakubon’igazi elingenatyala
Ndabudel’ubomi bam
Sadlala ngam isazela
Inene Ubuhlungu lomhobe
sisono santoni esi ndisibonayo?
Zamdlavuza izinja umntwana
Dlavu!dlavu! dlavuuuuuuu!!

Andizisoli zona ziv’indlala
Wazintsas’umzimba wosana
Kukucukucezwa zibhengethe
Ndaphelelwa lithemba
Awuuuu! Awuuuu! Yakhal’imveku
Esentshotsho lentaka son’isililo
Thula bhabha uxolo ntomb’encinci

Nal’usizi lwasemhlabeni
Uph’usomandla athob’inceba
Abhangise lentakatho aze
Nomthandazo igazi lakho
Ulenz’intw’engento
Yakhe yalahlwa na imveku?
Wakhe walahlwa na umntu?

Yayaphi na inimba?
Bayaphi na Ubuntu?
Zayaphi na intloni?
Ubumzalel’ukumbulala
Kusini na?
Ubufun’ukwenz’isono Yhini na?
Ndibuhlungu ngulo mhobe
Uxolo ntomb’encinci kaloku!