Wenyisa ngexesha elililo ambese.
Yindlezana emibele mibini,
Uyimazi yexhama, usisikhukukazi,
Esifukama amaqanda ngeenyanga ezilithoba.
Akhusele abantwana kwizaqhwithi zobomi.

Yindlezana! Yindlezana! Yindlezan’umama.
Wehl’enyuk’imini nobusuku ezama ukuphila.
Ngulo sindisa intsapho kwindlala.
Ngulo mgushayo kutshaba ukuz’angatshabalali.
Ucanda umlimandlela ilandele imbewu yakhe.
Ulomfundisa ukwahlula okubi kokulungileyo.
Inqoma nomkinqo sisiseko somzi wakhe.
Wohlwaya ngomonde nenyameko kube kuhle kuye.
Sisikhanyiso,Ligqirha, nguMsamariya kweyakhe indl’umama.