Enyakatho nase ningizimu
Empumalanga nasentshonalanga
Kunesililo sabesifazane nezingane
Silila sithi ‘Am I next?’
Kodwa senzeni na?
Ngimzwile owesimame ekhala
Yingakho ngibhala le nkondlo
Ngiyibonile ingane yentombazane idlwengulwa
Yingakho nginitshela lolu daba
Ngimzwile owesimame inkosikazi
Ethi ngiyafuna ukuphuma kodwa ngiyamesaba
Madoda anisho
Niphatheka kanjani uma nibezwa bekhala
Phela labantu amaqhawekazi
Ngoba benza ubukhazikhazi

Kuthini kuwena uma umbona
Emanxebanxeba
Sengathi bayahluleka ukunitshela
Mina ngizonitshela
Awusiyona indoda emadodeni
Ngoba eyangempela ayimthinti owesimame
Igazi labo liyachitheka imihla nemihla
Benzeni na?

Sebesaba nokuphila
Sebaphila ngokuvika
Sebahlala ngokwesaba
Engani bekumele bavikelwe inina
Kodwa buka manje basaba nina
Niyaziqeda lezi zimbali
Phela lomhlaba sisawudinga ugqamile
Ngoba bona bayaqhakaza bagqamile
Wathinta abafazi uthinte imbokodo
Stop Women and Children Abuse