Bengisithi kuncani kukhulu,
Kanti sihlangene neenmbila zithutha.
Mina ngingondzima wena ungomhlophe.
Soke sikwelimagade ahlabako.
Sitjhaba sikagogo, ikwali yamuva iphapha nesibhuku.
Ithi ingakhamba indle idaka.

Ziinyanga zesintu namagedla khese nizile.
Akuphunywe umkhankhaso kuzunywe ipengu.
Ayikho ikwali erhubhela enye Ndebele.
Umlando wembule ingubo wangena.
Ndebele, mZulu, Sotho, Swati, Xhosa,
Tswana, Tsonga, Ngisi, Bhunu, Venda.
Umqasa uphephele ngentongeni.

Ngakholeka sisifo sorhudo.
Kwaba sisifo seswigiri,sekankere.
Kwaba nguwe wena ntumbantonga.
Kwathumbuka iinmgomane eyahlukahlukene.
Ngakholeka ngawe swine flu.
Sakukha ngecepha wena H1N1.
Wazithatha iinini zethu eSewula neAfrica.
Ngangithi uzakugongobala ungaphetjheya kwamalwandle.
Kanti uhlome wasahlela warhatjheka nomuya.

Iinkhandelo zakho ngiziphihi!
Amatswayo wakho abonakala njani na?
Kanti wena ungonjani ongavikeleki.
Umsilaphazi womoya wethu wena.
Zeenmfarigi zithundubaliswa njani.
Usilingwe ngubani nasele ubhebhedla
njengomlilo wesikhotha nje.

Mina ngavele ngakubona ngokuthula kwakho njengesiziba esinenyoka bona uzakusibhadekisa.
Abakhozi bakho abasezako nange ungatjho basazasirhatjha ngamalwelwe wokufa na?
Isibindi senu ngiyasesaba.
Maye! Ndebele sizakuphephelaphi