Ndzo twa ku vulavuliwa hi yona.
Na mina ndza navela vuu.!
Yi hlanganisa mindyangu.
Yi hlohlotela hinkwenu.
I nkateko kuyi mbala.

Ntsako wu hundzuka munghana nkulu wa vandyangu.
N’winooo eka lava vangayi mbalangiku ku navela.
Hi tshweteni kunene n’wina miyi mbalaku kaaa!

Yi mbariwa ntsena loko I hlule mangava ya dyondzo.
Dyondzo!
Ha ku tika ka yona.
Van’wani va te:
Mina kwala!
Van’wani vaku:
Ya ala la ka mina
Van’wani vaku :
Mina ndzi ta hlula.

Hi lavaya va hluri vayi mbarini.
Nguvu leyi yo hlawuleka.
Minkulungwani
Swi vuvutani
Makhwela.
I vu hoyo-hoyo siku ra kona

NGUVU YA DYONDZO
Mina ndzi twa hi man’inin’ini va vulavula hi yona.
Va yi bombisa,va yi tata enon’weni bya jomela ra comela.
Va hi naveta na hinavu hi kala hi navela.
Mindyangu ya hlangana ni ku hlohloteriwa hi yona.
Va ni nkateko va voneke n’wemba wa yona vatlherisela va yi ambala.

van’wayitela lava va yi ambaleke.
va ni ntsako onge ya va divida.
Hi va vona hi kunyuka leswaku a yi hlohlonyi.
Mawaku nguvu ya dyondzo.

A yi fani ni swihakaboyi u ngo xisukela u ambala.
Leyi yi ni swikhedzakhedza swa milawu ni swipimelo.
Ya tika,a yi olovi yi va tikile lava vo tala.
Lava vo tala va phurile byi hola va pana sikisi.
Va humile hi lebya muphye va ku ya ala.
Kasi va kona va nga tiyisela joko vakala va boxa ndzima.
Va yi hiverile namuntlha va khankha.

Hilavaya vahlurile,va ambarile.
Yi va nyika ndzhuti loko va famba vanyarhulela.
Yi ni ntoto wo hlawuleka nguvu ya dyondzo.
Va hoyozeriwa va yi ambaleke namuntlha.
Swivuvutani ni mikhwela I ndzimi ya siku.
Va mihoni va yi komba hi rintiho.
Lava va migingiriko yi va pfulerile ni tinyangwa.
Mawaku nguvu ya dyondzo.