Mntanomuntu njengob’ uthi uyangithand’ uzomemukela lomntwana wami?
Njengob’ uthi uyangithand’ umntanami uzomnik’ uthando?
Phela ngiphilela yen’ umntanami
Ngihlale ngiwa ngivuka naye
Ukuba khona kwakho makungasiqhathi nomntanami
Angifuni kuthiwe ngiyisehluleki
Kungcono kwaziw’ ukuthi ngiwubab’ onothando
Le ngan’ iyigugu lami
Le ngane yalaxazw’ unina izelwe
Wayishiya wabhal’ incwadi wath’ ikafune ngane yena
Wath’ angisale ngizibonel’ utaku lwami
Naw’ usuyazibonela ngiphilela yena
Usuku nosuk’ uma ngibuk’ ukukhula kwakhe ngifikelw’ ukujabula
Angiphathi lapho sengimdlalisa ngith’ ‘intombi kababah’
Angiphathi ngimduduz’ egula ngidinga ozongeseka njengonina kodw’ engekho
Ngazama ngifun’ akhule ngiphilel’ ukungena ngiphum’ ezibhedlela
Umntanam’ uyimpilo yami nothand’ aluboni