Haa! ngoho ndo shona,
Vhanna vho shanduka dziphukha
Vha dzulela u zwima vhusiku na masiari
Vha tshi zwima yone mivhili mitete na midenya
Naa mathina vhana na vhafumakadzi
Vho no tou vha ṋama i no ḽiwa?

Nde ndi a lingedza u rwela nga musisi
Nda dzondololwa sa ṋowa yo vhulahwa
Sa ṋama yo sinaho ndi dzula ndo tangwa nga thunzi
Naa mathina vhana na vhafumakadzi
Ndi tshone tshilalelo?

Vhusiku ndi dada ḽi a luma
Fhedzi ho no tou shanduka
U vha hone vhuṱambo
Hune ha swiṱulwa vha si na mulandu
Mikosi na zwililo zwashu
Ndi maseo na mapwapwalala khavho
Vhanna vha ḽino vho shanduka zwivhimbili.