Mandicamagushe ntozika Mvulane
Khaniqoq’ingqondo niqiqel’into ka Qhel’ingqanga
Ndizoqoshalaza ndiqongqoloze de ndiqal’uqhusa
Ndim lo ntozakuth’uSimamkele into Qhel’ingqanga
Mandidude ndidudula de ndiqabel’amathafa
Ndibhomboloze de bath’umkhombe ubhembesile
Ndibe ndisithi nazo zidada zinyus’umsinga
Ndeejike-jike ndichaze yasombuluk’inamba
Nditsho kwizinyanya banyakaz’abanyatheli
Ndisatsho ntozika Msuthu ndim lo ntozakuthi
Ndim l’ungathi ayindimanga
Ndiphethu-phethul’usiba ndishicilel’igcidi
Ndim l’uxholoxh’intliziy’uvakalelwe kwedini
Ndim lo uxhoxh’amaxhego angxengxeze ngebhekile
Ndixushu-xushule ndixixitheka de ndingxadazele
Ise ndim lo ntozakuthi ndidlala ngamagama
Ndimkile zidwesha zakuthi yatshw’inyatsul’into ka Qhel’ingqanga iqhiqhitheka iqhele uqhol’iqhathe makwedini ndeegraam