Montshepetša bošego ke mo leboga bo sele
O letše mokgoši wa re masa a sele
Ra fihla re tshetshetha rena bokgwale
Re tshetshethela ya gago koma
Lehono gore thutong o matwetwe re a tseba a re anegelwe
Gore o mogale wa bagale re a tseba a re anegelwe
Ke gopola la mathomo ge ke fihla ga gago
Ke foufetše thwii! Ke sa tsebe pele le morago
Ka kgopela go ba yo moso ka leleme
FunDza, ya ka kgopelo wa se e ragele pele le morago
Lehono ke mo ke opela ke thabile
Ke re Mme o tlile tlala o nyele
Mme o tlile tlala o nyele
Nna re ja Mathuma tlala o nyele
Tlala o nyele
Mme ke ra mang ge ke sa re wena FunDza
Gobane ka ya gago thuto re robala ka mpa ya lenono
Gobane ga gago FunDza go be go se bošego, go se mosegare
Ge ke kgopela ya gago tlhahlo
O sa re mphemphe ya lapiša
Thuto e le mmantšha o tlogele
Ke sa je ke olela
Efela o sa ngunangune
La gago letswele le ge le be le sa tšwe maswi
Efela moro wa thuto wona ke nyantše
Ke sa nwe, ke yo tšhela
Bjale ke a leboga
O Mme Motswadi FuDza
Wa go kgoboketša ke wena mošwang
Lehono ke wo ke fofa ka wona