Sehlogo sa gago ke a se tšhaba.
Ga o na pelo le ga tee.
E le gore o tšwa kae?
Gona o belegwe ke mang?

Batho ba re o ngwetši ya malapa ka moka.
Nna ke re o nyetšwe ke mang?
O phela bjang o hloka pelo ka tsela ye?
Ga gona motho yo a go ratago, fela o a itshunyatshunya.

O ikgwerantše le malwetši gore a go thuše go hlasela malapa a ditšhiwanyana.
Gore o kgone go tsena ka menyako ka moka.
O lekile go ikgwerantšha le malwetši ka go fapafapana.
Lehono o leka go ikgweranya le Coronavirus.

Nna ke rapela fela gore segwera seo se seke sa amogelega.
O sehlogo ebile ga o na pelo.