Siyabuzana ngawe
Sitshwenyekile ngawe
Umuzi wakho sewuphenduka irubi
Kodwana wena usadla amabele
Sesiside isikhathi wangitjhiya
Abentwana bakho bangihlalele ngemibuzo
Mihle namalanga ngiyalila
Ngilila ngombana ngingazi bonyana
Ngiphendule ngithini
Sengiyasolelwa bonyana ngaba
Nesandla ekunyamalaleni kwakho
Abakwaziko bathi wadliwa lidorobha
Abomakhelwana bangikhomba eKapa
Abanye bangikhomba ngaphetjheya
Ngiyakukhumbula thambo lami
Ngizamile ukuragela phambili ngepilo
Kodwana ihliziyo nommoya wami azivumi
Ngebanga lokobana sisengakahlukani
Sisengakahlukani sinawe
Angikalibali ngawe
Usahlezi epilweni yami
Ziveze ubuye kimi
Ngikulindile wakwami
Namtjhana kuyini leyo engakwenza yona
Ngilibalela wakwami
Namtjhana kuyini leyo owangenza yona
Nami ngiyakulibalela
Ngisazokwamukela namtjhana sewakhubazeka
Okuhle nje nawubuyileko kwakho
Abantwana bakhihla esikhulu ngawe
Ikhaya selaphendula irubhi
Khumbula ekhaya
Buya ekhaya