Umfutho ungifutha njengesifutho ngifudumele.
Ngifudumezwe buNdebele bekhethu buphalele.
Buphalele nenarha yeenkutani zesiNdebele.
Zona ezigijime indlela ebukhethu ekuthuthukiseni isiNdebele.
Ezigijime zabhudula imphuraphura zobutitjhere.
Zembatha zobudorhodera zaswaphelisa ngezobuphrofesa kweleTukkies.
Zigijime zizodwa zinganamsekeli abasekeli bakhona bangekho.
Zitjhuguluke iinthorwana zona ezihlume zathela iinthelo ezihle zesiNdebele.
Namhlanjesi nanzi zirarekile enarheni
Zirarwa sitjhaba esirarekileko enarheni.
Kanti bazizakghona njani zizodwa zinabantu.
Abantu abafanele bazisekele ukuzipha umfutho wesifuthafutha.
Ukwenzela bonyana iinkutani zekhethu zitjhagale njengabogala.
Inkutani zekhethu zithi zibethana kube iinthekeli zikhona zirhaya ingoma.
Wena wabonaphi umuntu agida begodu aziwahlale kwanga uyarhapha.
Iinkutani zekhethu zitlhoga isekelo lakho Ndebele.
Nasingalileli kini sizakulilela kubani na?
Okwenzaka kwaNdebele abakuzwe ngani begodu bakubone ngani.
Nange nithakasela kwesikhethu mbala nabo bazayithakasela.
Khuthazani iinkutani bonyana zingapheli umoya ngombana kuyanyukela