Nako amathuthumbo wephasi.
Ngitjho abantu bengubo bona abakghabise iphasi
Wena ubona ubuhle bendalo.
Lapha kunamathuthumbo wemibala ehlukileko
Ahlalwa maviyaviyana
Lapho kubetha umoya omnanjana
Notjani obuhlaza tlapa
Namanzi avuma ingoma

Bomma bethu labo
Bodadwethu labo
Iye, abantu bengubo esadalelwa bona
Bona abaletha ukukhanya ebumnyameni
Iinkwekwezi zebusuku

Abafazi ababamba lapho kubukhali khona
Iimbokodo zephasi
Wathinta bona uyatjha
Iinkutani ezingapheli amandla

Ihlonipho enginayo kini ayilinganiswa
Ngaphandle kwenu thina amadoda sibuthakathaka
Nimathuthumbo angatjhwabiko
Amathuthumbo webusika nehlobo