Kule nkohlakalo ndikuphephise
Eluchukwini ndikubalekise
Elutshabeni ndikuzimelise
Endleleni emxinwa ndikutatamise
Ngamazwi abolumnko ndikuphathise
Kwindyikitya zokufa ndikusithelise
Ngentolongo ndikuxobise
Ngesimilo nembeko ndikufundise
Namhla ukufa kusembizeni
Kunzima kuzalelwa emangcwabeni
Phofuo lento yonakala kwasekuqaleni
Mhla Kona uAdam noEva eideni
Yilonto ke inja izalela endlini
Sana lwam andazi noba mandithini
Ukuba bendinendlela ngandikuginya
Kodwa ndikunikile isixhobo sokukhula
Uqine sanalwam zonke ezomhlaba ziyodlula
Ukwaba bekuthiwa ndingakufihla