(KungoLwesihlanu, uSisipho noThemba basendleleni esinga eSajonisi kuloSisipho)
UThemba: (Ephefumlela phezulu) Ndisuke ndanovalo.
USisipho: Lolwantoni olovalo tata ka ozayo?
UThemba: Sisipho singathini xa benokwala abazali bakho?
USisipho: Bazokwalelani?
UThemba: Ukuba bathi andikulungelanga ukuba ngumyeni wakho?
USisipho: Yho! Themba sele sihambe kangaka. Nokuba bangatsho kum uyakuhlala uyindoda elungileyo. Ndizakufa apho ufa khona.wena. Themba mfo wasemazizini ulubambo lwam.
UThemba: Sithandwa uyakwazi ukuwehlisa amaphaphu endodeni. Enkosi(Uyamonga)
(UThemba noSisipho bangena endlini)
UThemba: (Uthethela ezantsi) Sisipho mhle kwaye mkhulu umzi wakowenu.
USisipho: Umama nomalume bawuthengela umakhulu. (Uyanqkonqoza) Mholweni endlini. Kunjani?
UThandiwe: (Eqwalasela uThemba) Siyaphila Sisipho sana lwam.
(Emva kwempilo uThemba ucela ukuya kwigumbi langasese. USisipho uyokumbonisa)
UThandiwe: Thuli uyayibona le nto ndiyibonayo?
UThuli: Eyiphi mama?
UThandiwe: Lo mfana ufana nqwa noDlamini.
UThuli: Dlamini, as in my dad?
UThandiwe: Qwalasela umntakwenu Thulie. Nala mfana unelibala limnyama ngase mpumlweni. (UThemba noSisipho bayabuya)
UThuli: Hayi mama uzakumbona kakuhle ekuseni. Masonwabele ukugaleleka nje komzukulwana wakho.
UAthule: Unyanisile uThuli mama. Mtshana ndinesipho sakho.(uyakhwaza)
USisipho: (Encuma) Yiva Themba, umalume ucinga ndingumntwana undithengela izipho uyeka ukuthengela umzukulwana wakhe lo uzayo. (Bayahleka)
Yitsho: Ucinga uThemba noSisipho bazakuvunyelwa ukuba batshate?