(Sele iqengqelekile iminyaka. USisipho ngumfundi kwiDyunivesi yasekapa elixa yena uThemba engumshumayeli. Ngolusuku, uSisipho usenkonzweni ekushumayela kuyo uThemba)
UThemba: (Ukuphuma kwenkonzo) Sisi ndicela undilinde.
USisipho: Kulungile bhuti.
UThemba: (Esolula isandla) Igama lam ndinguThemba, abanye bandibiza ngo Zizi.
USisispho: (Esamkela) Mna ndingu Sisipho. Emva ekhaya ndibizwa ngoMakhasa.
UThemba: Kulungile Sisipho. Liphi ikhaya?
USisipho: NdingowaseSajonisi. Apha ndize ngokufunda.
UThemba: Mna ndingowase Bizana, kodwa ngokokukhula ndikhulele kwelicala. Ndikhuliswa ngumama.
USisipho: Kuhle ukwazana Themba. Ndifikile mna eflethini yam. Uhambe kakuhle Themba.
UThemba: Kulungile, sobonana Sunday. (wema wambuka engena)
(Emva kwenyanga, uThemba uhleli nonina. Usezingcingeni uThemba)
UKwanele: Themba mntwana wam utyiwa yintoni? Iintsuku ziqengqelekile ungatyi.
UThemba: Ndikwi fasting mama.
UKwanele: Uzakuxelela bani xa ungazokuxelela mna into ekuhluphayo mntwanam?
UThemba: Mama uyakhumbula ndikuxelela ngentombi yaseSajonisi egama linguSisipho?
UKwanele: Ewe mntwanam, utheni?
UThemba: Ndiphuphe ndincokola naye phezu kwamanzi acocekileyo.
UKwanele: Kuzakufuneka ulawulele umfundisi eliphupho lakho.
UThemba: Ndi-faster nje mama, leli phupha.
UKwanele: Ubukhe wamlawulela uSisipho yena?
UThemba: Hayi mama, ndithini kuye? Mna ndiyakhonza, andikacingi nge ntombi.
UKwanele: Umdala kaloku ngoku Themba. Uzakubangumfundisi onjani ungena mfazi? Nam sendimdala ngoku.
(KungeCawe, uThemba ungena enkonzweni nonina. Kungena uSisipho emva kukuba behleli phantsi)
UThemba: (Uhlebela unina) Mama nanku lo mntwana. (Uhlala ecaleni kukaThemba uSisipho) Mholo Sisipho.
USisipho: Ewe Themba. (UKwanele utsala intamo ngapha koThemba aqwalasele uSisipho ebusweni) Hayi mama, ndinento emdaka ebusweni?
UKwanele: (Uyothuka) Hayi, kutheni ubuza?
USisipho: Ndibona oluhlobo undijonge ngalo.
UKwanele: Uxolo sana lwam.
UThemba: (Uhlebela uSisipho) Ndicela ukubona xa siphuma.
USisipho: kulungile Themba
Yitsho: Ucinga ukuba uThemba ufuna ukumbonela ntoni uSisipho?