(Kusuku olulandelayo kwaNothando.)
Mbulelo: (Ubukele umabonakude, kukhala imfonomfono yakhe) Hello!
Mbulelo: Mama ndithathiwe eCargo, ndiqala ngomso lo usayo.
Nothando: UThixo ke unjalo, ubetha apho ungacinganga khona.
(Kusuku olulandelayo, uMbulelo uyafika ngokuhlwa usuka emsebenzini.)
Mbulelo: Molo ma.
Nothando: Belunjani usuku lwakho lokuqala emsebenzini?
Mbulelo: Besifundiswa, akhonto ibinzima kodwa, ukulungisa imoto nangona ndingenazinkcukacha nje.
(Ngenye imini ngo Mgqibelo.)
Nothando: (Eyokuphuma emnyango) Ndisayokucukuceza izinto ezincinzi edolophini, ungalibali ukuphekela uSnap.
Mbulelo: Ungalibali undiphathela i-airtime.
(Kunqkonkqozwe emnyango.)
Nothando: Sipho, nguwe lo.
Sipho: Molo ma.
Nothando: UMbulelo usegumbini lakhe. (Uyakhwaza) Mbu nanku uSipho.
Sipho: Waze wabamhle ma kule le hat uyinxibileyo, undikhumbuza uQueen Elizabeth.
Nothando: (Ehleka) Enkosi kakhulu, uyandixolela ndisendleleni (Ephuma ehamba).
(Emva kweveki ezimbalwa uMbulelo usemsebenzini, ehleli noMziyanda okwasebenza kwalapha.)
Mbulelo: (Enyathela umcephe kwenye yemoto azilungisayo.) Ulukhuni umcephe wale moto.
Mr Ntshebe: Ndiyazidla ngawe Mbulelo , yenye yezinto eyandenza ndikuqeshe, unesakhono, kwaye ufunda ngokukhawuleza.
Mbulelo: Enkosi mphathi ngenkuthazo.
Mr Ntshebe: (Ebashiya) Uyibambe njalo ke.
Mziyanda: (Esebeza) Hey Mbu ukuthandile mfondini uMr Boss, ufika nokufika, hayi ndiyakuvuma.
Mbulelo: (Evuya) Hee fondini andifuni nokuxoka nam ndothukile, uvele wayibeka injengoba injalo.
Mziyanda: Hee ndoda ndifuna ukukhupha khendikubonise iMonti, iindawo zokonwaba zibethwa ngenduku apha, awuzoba nasiyali tu.
Mbulelo: Akhongxaki uyakutsho xa u-ready.
Mziyanda: Masiyitshaye isaqhuma maan sitshayisele khona, kungoLwesihlanu namhlanje, ikhona enye indawo eshushu kwalapha, ayikudanga.
Mbulelo: Singaya mna ndakunibukela ngoba andikamkeli.
Mziyanda: Hayi suka usibukela ntoni, ndizakuseza khululeka, masitsho siyile itshayile.
Mbulelo: (Bekhwela emotweni kaMziyanda.) Mzi unexesha elingakanani unale BMW?
Mziyanda: (Ahleke) Yenye yezinto ezibangel’uba ndikubonise indawo, ayibuzwa kaloku le yam yijonge nje, yi-latest inenyanga nje ezimbalwa ifikile eMzantsi.
Mbulelo: Ayisabaleki kamnandi nje, iyashebeleza mfo.
Mziyanda: Heke sifikile, masehle.
(Besela utywala ngaphakathi.)
Mziyanda: Osisi ke apha bayazitsholololo, wena ungathi hayi uyakubonakala njenge bharu.
Mbulelo: (Esahleli, uphethe i-glass ye-beer, kufike sisi othile ahlale phezu kwakhe) Ndizawuthi usisi ngubani kanene?
Portia: Ndibize Portia, ligama lam elo.
Mziyanda: (Atsho emkhawulezela) Sis Posh, kanene Posh usela ntoni?
Portia: Cider, noba yeyiphi.
Mziyanda: Ndiphen’umzuzu nje ndisayoyithenga.
(Emva kweyure ke besela njalo bonwabile.)
Mziyanda: Hay ke ndoda masambe siyolala ndinendawo pha kwam.
Mbulelo: Haybo sowufuna ukuhamba, kukho osisi abahle apha kusemnandi maan.
Mziyanda: Ngomso ndizakusa e-Afrika Lounge yeyona ndawo iphambili e Quigney, futhi kuzakube kukho iimvumi ezaziwayo za local, masiyophumla. Ndakugodusa kusasa ndiyokulanda futhi ngokuhlwa.
Mbulelo: Nyani!
Mziyanda: Unxibe kakuhle ke pha, uyatsho nawe osisi bahle.
Mbulelo: Hayke masambe.
(Bayafika kwaMziyanda bamisa imoto behle.)
Mziyanda: Ndizifihla apha ke ndoda.
Mbulelo: (Efunda umbhalo wendawo) Marinda Estate houses, intle lendawo, ithule, inoba iyabiza.
Mziyanda: (Bengena emnyango) Awusoze ukholelwe kanti ndandingayithandi ukuqala kwam ukuhlala apha kodwa ndayiqhela.
Mbulelo: Nam kufuneka ndizizamele indawo ekufutshane, kunzima ukuvuka uleqe itrain ekuseni.
Mziyanda: Ndizakuzamela kanti kungekudala.
Mbulelo: Akhonto ingekhoyo apha, kuse town nyani.
Mziyanda: (Enxiba ipyjamas) Masilale.
(Ngentsasa yangengomso, kwaNothando, Kuyankqonkqozwa emnyango.)
Nothando: (Eyokuvula) Sisi wabamaphikana nje, kukho into mbi?
Norah: (Ekhathazekile) Eyi, ndivuswe yingxolo ye-Ambulance ngalentsasa ibizokuthatha umyeni kaLettie.
Nothando: Ndicing’uba imeko yakhe iyaqatsela.
Norah: Andikhange ndiyovela ngoba bekusesekuseni kakhulu, uLettie naye ukhwele, bendingathanda siyokubavelela esibhedlele, ndicing’uba ibase e-Frere, siso isibhedlele esikufutshane ne Scenary Park.
Nothando: Ngumbono omhle lowo, yima kancinci ndinxibe besendihlambile.
Norah: Uyakuvuya kakhulu ukusibona uLettie.
(UMziyanda uzisa uMbulelo kokwabo, umbeka emasangweni omzi.)
Mbulelo: (Esehla emotweni) Enkosi broer ndizakubona late.
(UMziyanda ubetha i-bell emke.)
(Kusemva kwemini uMziyanda ubetha ibell yemoto, ezolanda uMbulelo.)
Mbulelo: (Aphume ayokukhwela) Ndinxibe right phofu?
Mziyanda: Kakhulu. (Behamba) Ndikufumanele indawo yokuhlala ayikudanga pha kum.
Mbulelo: Ngalomzuzu?
Mziyanda: Ja, yi R6000 ngenyanga sizayokuyijonga Monday, ungangena Tuesday siyamkela, ikhona nendawo ethengis’imoto endizakusa kuyo next week.
(Emva kweveki.)
Mbulelo: (Ebuya emsebenzini) Mama izobona.
Nothando: (Amlandele esiya phandle) Yintoni?
Mbulelo: Nantsi ke imoto endiyithengileyo namhlanje, ifuna intsikelelo zakho.
Nothando: (Evuya) Ndiyavuya kakhulu, sisipho sika Thixo.
Mbulelo: Ndifumene nendawo yokuhlala okwexeshana ndibekufuphi emsebenzini.
Nothando: Ndizakukhumbula kodwa, andisaqhelanga ukuhlala ngaphandle kwakho.
Mbulelo: Ndizakubuya qho ngempela veki, ungabinaxhala.
Yitsho: Khawutsho ucinga uba uMbulelo uzobangumntu onjani ngoku enomsebenzi?