“Sue?” Kwabuzisisa ubaba kaDumi. “Usho ukuthi ufuna ukusifaka enkantolo?”
“Yebo,” u Miss Majola wasula unyembezi esihlathini. “Ngiyaxolisa, selokhu ngivukile izinyembezi ziyazehlela nje. U Vuyisile uthi okumcasula kakhulu ukuthi u Dumi ufake mina kulesithombe okuzolona ikusasa lami njengothisha.”
“Bengimtshela uVuyisile ukuthi angakhathazeki ngalento, kodwa sibone ama captions people were adding to the picture. And the comments. Izinto ebezibhalwe lapha zinyantisa igazi, they are really bad. Ikhona okwenze u Vuyisile adinwe kakhulu, uthe kumele u Dumi abone the consequences of his actions, he shouldn’t get away with this sort of thing.”
U Miss Majola wazama ukumamatheka, kodwa amehlo egcwele izinyembezi, ebuka uDumi, wathi: “Ngizamile ukumchazela ngawe Dumi, ngamtshela ukuthi ayifani nawe lento eyenzekile, kodwa udinwe kakhulu.”
“Ngiyaxolisa,” kwasho u Dumi. “Ngixolisa kakhulu, Miss Majola. Ngingenza noma yini ukuze ungixolele, please. Ngitshele ukuthi ngingenzani ukuze ungixolele.”
U Miss Majola wasula izinyembezi wathi: “Angikholwa ukuthi kukhona esingakwenza manje. Futhi angiboni ukuthi ngizokwazi ukunifundisa namhlanje ngoba uyabazi beyisa kanjani abanye babafana enifunda nabo.”
Ikhanda lika Dumi lanqekuza ebheke phansi evumelana no Miss Majola.
“Yikhona okumhlanyise kakhulu u Vuyisile. Ngimuzwe ethi, “They are not going to get away with this!’ He says this sort of thing can’t keep happening; it’s about time someone was taught a lesson.”
U Dumi wabuka u Miss Majola wabona ukuthi ngeke ambeke icala u Vuyisile ngokudinwa kwakhe. Wabona ukuthi angenza njengo Vuyisile ukuze avikele umuntu amthandayo. U Vuyisile wayengenandaba ukuthi isithombe sihlekisa ngaye, okwakumphatha kabi ukuthi sihlukumeza u Miss Majola. Wabona ukuthi u Vuyisile uyindoda eqotho engafani nalezidlakela ezimhlukumezayo esikoleni. Wayezitshele ukuthi ngoba naye edlala i rugby njengalabo ababemhlupha kusho ukuthi naye ufana nabo.
“Kunjalo nje, Dumi. Ngiyazama ukumchazela ukuthi awuyona lenhlobo yengane engumdlwembe kodwa ucasuke kakhulu u Vuyisile.” kwasho u Miss Majola.
“Singakaqhubekeli phambili naloludaba, ngicela ukwazi iqiniso,” kwasho u Mr Allan ethatha iphepha etafuleni. “Dumi, into yokuqala engifuna ukuyazi ukuthi: uwena owenze lento?”
U Dumi wayefisa ukuyiphika yonke lento. Wayefuna ukubatshela ukuthi yena wasinonga isithombe nge Photoshop kodwa wasikhombisa u Alexa kuphela. Empeleni umuntu owenze sisabalale isiphukuphuku sesidlakela esingu Luke Owen. Wayefisa ukuthatha lonke lolutaku aluphonse ku Luke kodwa futhi wayazi kahle kamhlophe ukuthi kwakungafanele asinonge kwasekuqaleni isithombe.
Amehlo ka Mr Allan ayebheke ku Dumi, elinde impendulo.
“Ye-” waqala ukukhuluma u Dumi, kodwa kwangenela umalume wakhe u Mivuyo.
“Singakaqhubeki njena,” kwasho u Mivuyo, “Ngicela sibheke izinto ezimbalwa.”
Khona kusenjalo kwazwakala ukungqongqoza esicabheni.
“Ubani?” kwabuza u Mr Allan. Kwaba nempendulo engazwakali kahle, u Mr Allan wasukuma wavula isicabha.
Kwakumi u Alexa, ubuso bakhe bunokusaba kodwa futhi enokuzimisela ngalokhu ayezokwenza. “May I come in, Sir?” kwabuza u Alexa.
“Not now, Miss Conradie. As you can see, I am in the middle of a parents meeting.”
“Yikhona lokhu engikuzele, Sir.” Kwasho u Alexa engena naye. “U Dumi ungumngani wami oqotho, nginolwazi olubalulekile mayelana nalendaba.”
“Alexa!” kwasho uDumi, “don’t.”
U Mivuyo wasukuma wathi, “Ngicela simlalele u Miss Conradie. U Dumi udinga lonke usizo angaluthola.”
“Konke okwenzekile mayelana nesithombe akulona iphutha lika Dumi, ngempela akulona iphutha lakhe,” amehlo ka Alexa ayebheke u Miss Majola, nokukhuluma eqondise kuye. “Imina engimthumelele isithombe sakho nesoka lakho ngathi I think you make a cute couple.”
“Alexa!” kwasho u Dumi. “Stop.”
U Alexa waqhubeka nendaba. “Kukhona engikuphawulile ngesoka lakho, Miss. Nansi yonke lento on my phone, ngicela nizifundele.” Wabanika, u Mivuyo wayithatha wabafundela bonke ama SMS . Kwaba nokuthula isikhasha.
“Into engiyibonayo, Miss Majola, ukuthi u Dumi uyangithanda. Yilokho okwenze waba jealous when I made comments about your boyfriend.”
***
Sitshele ukuthi ubona kanjani: Lento yokuba jealous iyabenza abantu benze izinto abangajweyele ukuzenza? Uma kunjalo, izinto ezifana nani?