U-Bella bekanesizungu, uMma yena bekanomsebenzi wokuhlwengisa indlu.

“Thatha u-Noodle niye ngaphandle nizibethise ngommoya opholileko,” kutjho uMma.

U-Noodle walandela u-Bella ngaphandle wase uhlala eduze kwakhe phezu kwesitupe sendlela.

U-Bella wanukelela ummoya. Akhange unuke njengommoya omutjha. Bewunephunga leenthuthi ezinuka kumbi.

best-sound-illo1-col-flat-lores

Vuuum! Kukhamba ikoloyi. Tut tut! Nasiya enye. Vuuurr, vuuurr, vuuurr! Kudlula isithuthuthu. Khehlekhehle, gudlugudlu! Kudlula ivenyana ngamatayera adabukileko nomzinjana omdala orusileko.

U-Bella sele athome ukubala amatjhada amzungezileko. Sele amane kwanjesi!

Gadla, gadla, gadla! Kulila umtjhini wokubhora indlela. Grrrrrrrrrrr! U-Noodle ulingisa umtjhini. Duf, duf, duf! Kutjho itjhada lombhino eliphezulu elivela eteksini.

Hanna, hanna, hanna! Kutjho umma okhamba akhulumela phezulu kufunjathwako. Tlok, tlok, tlok! Kutjho amatontolwana lokha nakakhamba esitupeni sendlela. Thwahla, thwahla, thwahla! Kudlula isigijimi sidlula u-Bella. Wuf, wuf, wuf! Kutjho u-Noodle akhonkotha isigijimi. Twii, twii, twii! Kupipiza umsana akhwele itsikiri.

“Amatjhada ALITJHUMI NAMBILI!” kutjho u-Bella. Kodwana amatjhada la woke besele athoma ukwenza ihloko ka-Bella idraye, wase ulisa ukubala wathi, “Yewize Noodle, asiye ngemuva kwendlu lapho kuthule kamnandi khona.”